Haiku şigırlär tatar telendä

Aybagar näşriyatında küptän tügel genä tatar häm ingliz tellärendä yaña şigırlär kitabı – haikular cıyıntıgı basılıp çıktı.

Bu dönya külämendä berençe tapkır tatar telendä näşer itelgän haiku kitabı. Aftorı – Fazile Nasretdin.

Fazile Nasretdin haikularında tormışnıñ törle yakları, törle tösläre çagıla. Anıñ äsärläre – kıska mizgellärdän tugan şigriyät. Bu original, äyterseñ lä, üzennän-üze tugan haikularda keşe küñelen häm tabiatne tirän añlau yarılıp yata. Şunıñ belän alar ukuçını cälep itep, anda yaktı hislär uyatalar.

Haikular tatar telendä latin häm kirill harefläre belän yazılgan. İngliz telenä tärcemä – aftor häm Sabira Stahlberg, räsemnär – Derya Nasretdin tarafınnan başkarılgan.

Fazile Nasretdin şulay uk Bokpilneñ ciñel şved telendä yazılgan kitapların tatar telenä tärcemä itä.

Fazile Nasretdin: Tuksan tugız haiku ◆ Туксан тугыз хайку ◆ Ninety-nine haiku

Tärcemä: Fazile Nasretdin & Sabira Stahlberg

Räsemnär: Derya Nasretdin

Kirill yazunıñ korrektorı: Liliya Davletshina

112 bit

Aybagar 2022

ISBN 978-952-7334-55-3

ISBN 978-952-7334-56-0 (e-kitap)