Berençe tatarça ciñel teldä kitaplar

Berençe märtäbä tatarça ciñel teldä yazılgan öç kitap dönya kürde: Miranda, Filip köymädä häm Filip hayvan bakçasında.

Kitaplarnıñ macaralarında Miranda delfin belän tanışa, Filip köymädä et balasın taba häm hayvan bakçasında kurkınıç hayvannar oçrata. Ciñel teldä yazılgan kitaplar ukırga caylı, hikäyäläre ukuçını dulkınlandıra häm üz dönyasına alıp kitä.

Ciñel teldä yazılgan kitaplar dönya külämendä berençe tapkır tatar telendä çıgarıldı. Kitaplanıñ baş maksatı balalarnıñ häm yäşlärneñ üz ana tellärendä ukularına yärdäm itü. Kitaplar törle yäştäge ukuçılarga häm tatar telen öyränüçelär öçen dä caylı.

Kitaplarnı şved telennän tatarçaga Fazile Nasretdin tärcemä itte. Öçesen dä çıgarudan äüväl test törkeme tikşerep ukıp çıktı.

Oşbu E-kitaplarnı Bokpil çıgara häm alarnı monda tüläüsez yökli alasız.

Kitaplar: Villa Bokpil

Östämä materiallar: Edu Bokpil

Proyekt Ciñel Tatarça Tampere tatar cämiyäte, Finlandiya İslam Cemaati häm Oskar Öflund väkıfı yärdämnäre belän çın barlıkka aşırıldı. Yärdämnäre öçen samimi rahmätlärebez.